CANTICO AL SCIUR SINDÀCH

Stimàa sciur Sindàch, nòtri ‘n Ta fa uraziùn,

‘n ta gloria, ‘n ta fa unur,

e ‘n Ta dà àa la nòsa benediziùn.

A Ti, sciur Sindàch ‘l tùca fa li ròbi dégni

de ès regurdàdi cun piasè.

Da Tì, nòtri tücc, ‘n völ ès Töö amìs e ‘n sa spécia da Ti ‘l bùn savè

e l’esémpiu del bùn fa del pà de famìglia.

Nòtri tücc ‘n spéra che sùta ‘l sul, la lüna

e li stèli ‘n pödìs sugnà ròbi bèli.

Sciur Sindàch, nòtri tücc ‘n völ vedèt sémpre serén,

cuntént perché Ta pödìs dà, ‘n ògni mumént,

a tücc nòtri l’esémpiu, la fòrsa, ‘l curàgiu del vìv unést e pulitu,

cùma l’àqua del funtanìn de Runch,

e és fort e vigurùs cùma ‘l föch che ‘l cös la pulénta e ‘l chisciöl.

A Ti l’unur de fa la nòsa cità béla, linda, pulìda

e de guvernàch cun la freschèza déla rusada

e de capì la gént tribülada.

Laudate et benedicete mi’ Signore' et ringratiate,

se ‘n garà ‘n sciur Sindàch bràu iscì.

Aetius