I PERSONAGGI TIRANESI: MARCO AMBROSINI, ‘n bràu maèstru dei nòs ràis

[ASCOLTA LA LETTURA DIALETTALE] Chi conosce Marco Ambrosini conosce un tiranese di “ vecchio stampo”... (Di Ezio Maifrè)

Insegnante elementare in varie scuole di Valtellina, discendente d’antica famiglia tiranese, scrittore e ideatore di spettacoli teatrali con i suoi allievi non manca mai di stupire per la sua bravura nella dizione di poesie dialettali di Aldo Pola, Dante Tozzi, Cici Bonazzi e di Ezio Maifrè. Nelle sue dizioni poetiche dialettali sovente è accompagnato dalla chitarra di Marco Divitini.

Ezio Maifrè vi propone una piacevole dizione di Marco Ambrosini di una “memorabile e patetica “ poesia di Aldo Pola.

SE NON VISUALIZZI LA CASSETTA CLICCA QUI

La macìglia (u becherìa)
Prologo "quasi filosofico"

Sta dumaa, giù ‘n del so très
al nos ciun l’èra cuntént
e ‘l rügaua sü ‘l pastun
an del sciusch propi de voja;
ò, sentüü che ‘l ga diseua
àla vaca, strauacada,
‘n del falecc, a remügà:
-De ‘n quai dì, i mee de sura
i ma öl propi ‘n gran bee
e i ma trata cuma ‘n sciur:
puléntun, penn e fiurett,
farinott, fin li castegni,
beuerùn facc cul sarùn,
gna che füss ün dela ca,
nu i sa propi pü che dam;
prima , l’éra sùl slambròtt
de culubbia, cun la raspa
de pulenta , brüsegada
u de buja e de slàvazzi,
de bedàni deli vèrsi,
de pelèchi di patati
faci bùj cun quai urtìghi
a fa brö, per uri e uri ,
sempri agri, sempri sciàci.
Adess sì, che sò ‘n misèr!
-Por tamazi, la ga dicc
la uachina, smaliziada
de tanc agn de sacrifizzi.
-Ta ‘l sé miga che ‘l regiùr
se ‘l ta fa mili carezi,
se ‘l ta grata li uregi,
e sü e giù anca la schéna
alla fa, per rendas cünt
e stimà a quarti e spandi
quanc salàm , quanc cudeghin
e li cupi cuma i è
li panseti, i persütin
e po ‘l cusc e po rustèi ,
quanti sangui, quanti buni
ta’gh daree chilò a ‘n quai dì.
Fina i òss e li urègi
i pescin, fina a ‘l cuin
i sarà pastin e pastùn
per i denci del to padrùn!
La sbufàa, la mia uachina,
al ma par, de cumpasiùn,
e, a dif la verità
ò pruàa , iscì ‘n ruseghin
a pensà che , pora bestia,
al me ciun al ma stimaua
pü de quel che mi valeui;
ma ‘l rimòrs al ma passàa
quasi sübit, a pensà
che de suta , ‘n de l’involt
i rampin, tacàa àla volta
ai anèi piantàa sü sùtt,
i era biutt cuma ‘na màa
che la cerca la limosena..
I nos vecc i a sempri dicc
che ‘n purscell, tiràa sü bee
l’è , per notri cuntadìn,
an gran bun salvadanee!

Aldo Pola
Poesia recitata da Marco Ambrosini