DALLA BOCCA ALL'ORIFIZIO

Un racconto dialettale di Ezio Maifrè dedicato al gioco delle biglie.

Giügà àli cìchi l’è ‘na sudisfaziùn ma ‘l pö ès àa periculùs. L’è ‘n grant pecàa che adès chèstu giöch ‘l sàbis, per i nòs rais, ‘n pìt desmentegàa.
L’éra iscì mai bèl giügà cun li cìchi de teracòcia, cun li védri e cun li azzalìni.
E a prupòsit de azalìni va cünti sü ‘na stòria véra verénta e che per ‘n pélu gà lagàvi mìga la rüsca.
L’éra ’na sìra de setémbri del ’50. Ilò al büi vècc, ‘n chèla bèla piazèta tacàa àla Tùr dei Turèi che anùma chèi che i g’à i cavèi gris i regòrda amò, nòtri rais ‘n giügàva àli cichi .
‘L gh’éra ilò ‘l Lucianu, ‘l Giancàrlu, àa òtri ràis e gà séri ilò àa mì.
Séri cuntént parchè gh’éri ‘n sacòcia 13 azzalini de 10 milimetri bèli lüsenti.
Eri desfàa a martelàdi ‘n cusinèt de ‘n mutucar.
Chèl dopumesdì m’éra però decidüü de giügà àli cìchi tücc cun li védri del Giancàrlu.
Mi parò rugàndu ‘n sacòcia fasèvi balà li mèi azzalìni che i sunàva che l’éra ‘n piasè e üna ma la sòo metüda ‘n bùca cùma ‘l füss ‘na caramèla, tant che li ma piaséva.
Per mìga fàla giù lùnga dòpu ‘n pìt ma tacàa béga perché mì eri rubàa, sü la rìga, ‘na bùna spàna e iscì eri fàcc bèl,bèl, zòca.
‘L Giancàrlu ‘l m’éra vedüü e iscì ‘l m’à mulàa ‘n pesciadùn ‘n del cül e l’azalìna che gh’éri ‘n bùca l’ò ‘nviàda giù lìsa lisénta.
Putànega !! Sü ‘l mumént sòo vegnüü murèl ‘n fàcia dòpu avè tràcc sü trì u quàtru bùf e rüt, u picàa fò dùi panòti de gùfo.
‘Ntant i mè sòci, tücc stremìi, i mà picàva manàdi giù per la schèna per tiràm scià.
Dòpu ‘n pìt ‘l fiàa ‘l ma turnàa e u sentüü la bàla d’azzàl frègia rüà ledìna ‘n dèl stùmach.
Sòo curüü dàla mè va a cuntàch sü tütt. La màma e ‘l pà i éra giù per i camp a laurà.
L’èra martedì e l’àva la ma purtàa sübit int del dutur Cola, ilò a metà vial de Madòna, per fàm vedè.
Dòpu ‘n par de ùri , ‘l dutur ‘l ma ciamàa de int . L’à metüü sü ‘n scusalùn grant e pesànt e pòo ‘l ma metüü derée de ‘n machinari e l’à dìcc : bòcia tìra mìga ‘l fiàa fìn che tàl dìsi mi ! Mùstru, la cica l’è grusèla, però la duarès pasà ‘n de l’intestìn, ‘ntrà dùu u trì dì. ‘Nsèma la càca la duerès ciapàa l’aria. Virgina, vàn a cà cun ‘l tò neùu e, per trìi a quàtru dì, fàghela fa giù ‘n de l’urinari e pòo vèn a dìm vergùt . Bòcia, adès ta pö tirà ‘l fiàa !!”
Che pasiùn ! Merculedì negùt, giovedì amò negùt, venerdì gnàa l’umbria de l’azzalìna , ma sàbet dòpu avè maiàa ‘n cestìn de brùgn de l’òpul del Pédru ‘l gh’è stàcc la sparàda !!!
L’àva l’éra ilò ‘n cüsina a fa scià chisciöi e mi, ilò tacàa al fugulàa, s’éri pundàa sü l’urinàri cùma ‘na sciüta che l’à de fa l’öv.
Madòcina, l’è fìna tremàa la padèla dei chisciöi e ‘l föch del fugulàa ‘l g’à dàcc per smursàs ! L’èra tri dì che mulàvi pü per ‘l pensée de l’azzalìna. Gh’éri ilò ‘ma büsèca cùma chèla de ‘n gàt che l’à maiàa ‘na pantegàna.
Che sinfunia matèi , che godüria quando u tacàa a mulà. Parèvi ‘n èstasi.
Pòo quando l’àva la sentüü ‘l culp de l’azalìna ‘n de l’urinàri la sa tràcia giù ‘n ginöcc a burbutà su ‘na litania e dùbot l’è curüda a ciamà ‘l mè pà e la màma.
Pòo l’àva la ciapàa l’urinàri , la rügàa sü tüt bée e la truàa l’azzalina. La paréva pü chèla! L’éra vegnüda tüta négra, la crumadüra l’èra tüta maiàda giù. L’àva la sa gratàa la cràpa e l’à dìcc “ Lèlu, tàa sée segür che te maiàa ‘n azzalìna ? La par rusegàda giù de ‘na pantegana.“
Iscì per ès següra i g’à la fàcia vedè al dutùr Cola che la dìcc “ Virginia ‘l stùmach del tò neùu ‘l rusèga àa l’azzàl . Ta pö és cunténta. ‘L tò neùu, ‘n dèla vita ‘l rusegherà, ‘n dèl so stùmach, àa ròspi gros cùma pùgn che però i paserà mìga ‘n dè l’ urinàri, ma ‘l g’arà de remügai cùn la grignaröla sü ‘l mus .
Adès vàn a cà tranquila e dìch al tò neùu che àli cichi sa giüga cun li màa e mìga cun i dèncc ! ”
Putànega ! Rais e ràisi che stremizi u ciapàa chèla òlta ! Però la mè amò ‘ndàcia bée. Pür avéndu ‘na bàla d’azzàl de 10 milimetri ‘n del stùmach sòo chilò amò a cüntàla.

Meditatio
I cari pensieri dell’Uomo
scendono dal capo,
dilagano nelle viscere
inondando il cuore di gioia.
I cattivi sono fredde biglie d’acciaio.
che il cuore buono corrode
e lentamente li espelle
dalle viscere come la cacca.

Dopo aver letto la bella notizia sul giornale on-line “Il Bernina.ch” del ritorno “ dopu un per d’an da palsa e riflesion” dedico questo mio scritto in dialetto a quelli del Bumbulif 2012.
Sarebbe gradevole, a mio parere, leggere il dialetto Poschiavino anche sul giornale on- line Intorno Tirano.
Chi legge i dialetti Valtellinesi certamente legge, con piacere, anche il Poschiavino. La comunione dei dialetti parlati e scritti rinvigorisce e rafforza le nostre comuni radici.

A bon sa vedè.
Ezio Maifrè

FILASTROCCA: Gh’éra ‘na vòlta ‘na regìna

[ASCOLTA L'AUDIO]

Gh’éra ‘na vòlta ‘na regìna
che la stàva ‘n de ‘n castèl
e la vuléva fa pulénta
an de ‘n paröl lüstru tüt bèl,
ma la gh’éra pü farìna
gnàa de négra u de giàlda
par fàla düra u mulisìna,
‘n éra gliò gnànca ‘na brànca

SE NON VISUALIZZI L'AUDIOCASSETTA CLICCA QUI

C’era una volta una regina
che stava in un castello
e voleva far polenta
in un paiolo lucido tutto bello,
ma non aveva più farina
ne di nera o di gialla
per farla dura o molliccia,
non ce n’era neanche un pugno

FILASTROCCA: Din dun campanùn

[ASCOLTA L'AUDIO]

SE NON VISUALIZZI L'AUDIOCASSETTA CLICCA QUI

Din dun campanùn, trèi surèli sül balcùn: üna la fìla, l’òtra la tàia, l’òtra la fa i capèi de pàia, l’òtra la préga San Martìn che ga màndi ‘n bèl umìn, bén vestìi e bén lavàa, ma che ‘l sàbi mìga ün pelàa…

Din don campanone, tre sorelle sul balcone: una fila, l’altra taglia, l’altra fa i cappelli di paglia, l’altra prega San Martino che gli mandi un bell’omino, ben vestito e ben lavato, ma che non sia uno pelato…. Dizione di Cici Bonazzi ( a cura di ezio maifrè )

‘L miràcul dé l'àqua de l’Àda sgiasciàda‘

Racconto in dialetto: "Il miracolo dell'acqua dell'Adda senza ghiaccio".

O tiranesi ormai grigi di capelli, ma ancora con il cervello fine, vi ricordate quando l’acqua dell’Adda in inverno per il grande freddo ghiacciava intorno ai sassi e il ghiaccio formava un crostone tale da portare il peso di una mucca e si vedeva sotto il ghiaccio correre l’acqua silenziosa come l’olio? E voi giovani avete visto in questo inverno così freddo il ghiaccio nell’Adda?

Questo è stato un inverno freddo. Avrete visto anche voi il ghiaccio per le strade, le pozzanghere ghiacciate come vetro, neve ammucchiata con la crosta dura come biglie di acciaio, ma l’acqua dell’Adda sotto il ponte Vecchio non l’avrete mai vista ghiacciata. Perché?

SE NON VISUALIZZI L'AUDIOCASSETTA CLICCA QUI

‘L miràcul dé l'àqua de l’Àda sgiasciàda.

U Tiranés uramài scià gris de cavèi ma amò de cràpa fìna, va regurdìi quànda l'àqua de l’Àda d'invèran par al grant frècc la giasciàva 'ntùran i sas e 'l giàsc al picàva sü 'n crustùn de tegnì sü 'na vàca e sa vedèva cur sùta l'àqua lìsa e silensiùsa cùma l'öli?
E viòtri giùan, i amò védüü ‘n stu invèran iscì mài frèc,‘l giàsc 'n
de l’ Àda ?
Chestu l’è stàcc’n inverèn frècc. Arìi vedüü àa viòtri ‘l giàsc par li stràdi, puzzàngheri giasciàdi cùma védru, néf 'nmuntelàda cun i crustùn dür cùma l'azzàlini ma l'àqua de l'Àda sùta 'l punt vècc l'arìi mai vedüda giasciàda. L’è ilò sùt al punt che la pàsa sénsa 'n fil de giàsc ' ntùran i sas! L’è vèra u mìga véra?
‘L Brùnu Chegafrècc, che l’èra ün che i ‘na savéva ‘na pagìna de pü de ‘l libru,ilò al punt vècc lù vedüü gratàs la cràpa e dì:capìsi pròpi mìga cùma la pödis mìga ès giazzàda !!
Mi però ‘l sòo ! Tancc àgn fa , la mè àva, 'na sìra d'invéran che 'n séra 'ndacc a tö 'l lacc ilò àla Pòrta Pus’ciàvìna la ma cüntàa sü 'na stòria véra verénta.
Prìma però ghìi de savè, chè ilò visìn al punt vècc ‘l gh’è ‘n lavatòi cun ‘n arc che 'l finìs 'n de l’ Àda.
'Na òlta li nòsi fèmni i vàva ilò a lavà i pagn al büi ànca d'invèran.
Adès va la cünti: 'Na bràva fémna de num Giacumìna, timuràda de Dìu e dela Madòna, màma de sèt ràis , l'èra ‘ndàcia ilò al büi cun 'l segiùn cargàda de patèi, mudàndi per fa la bügàda. Rüàda al büi la truàa tüt giazzàa! 'L büi l'éra 'n candelòt de giàsc, l'àqua 'n tela càna la scuréva pü, e 'l fasèva 'n frècc dela madòcìna.
A chèi temp, pasàa 'l büi spudéva parò rüà a lavà 'n de'Àda, e iscì la facc la Giacumìna.
La pòra fèmna la duvüü spacà 'l giàsc par pudè ciapà sü l'àqua e iscì la pudüü fa giù la sùa bügàda pròpi inturnu ai sàs de l’Ada .
L'éra 'n grant frècc, al bufàva giù dal Canalùn 'n ària gélda e taiénta cùma 'n curtèl e la Giacumìna a ògni patèl u mudànda che la lavàva la diséva sü 'n "Ave Maria".
Finìi la bügàda, la pòra fémna, che la gh’éra ilò li màa murèli e pizzighénti, i ginöcc i paréva de védru ma pasàndu denànz àla immagin dela Madòna che amò adès la gh’é sùra 'l purtùn de chèla curt, la facc al ségn dela crus.
I cünta che chèla fémna la séntüü 'na us celestiàl che la diséva: Giacumìna, Giacunìna ta runparée pü 'l giàsc de l'Àda par lavà parchè chèl’àqua la sarà benedèta e mài pü la giasciarà.
La pòra Giacumìna senténdu sta us , la ciapàa 'na calüra ados e chèi pagn che iéra stincàa 'n tel segiùn par al frècc iè vegnüü ilò mòrbid cùma se 'l füs d'estàa.
Chèla pòra fémna l'è rüàda a ca stremìda e sübìt l'èra facc su la cunfidénsa de chèl che l'éra sentüü ilò sùta àla santéla e i na parlàa a li so amìsi e iscì l'è vegnüü a savèl tucc.
Da chèl dì l'Àda l'è pü giazzata gnàa par sciupà séch!!! Chèsta l’è la stòria, l’àqua de l’Ada uramai la giàscierà pü!

Méngu

MELODIE, PAROLE E PROFUMI AL GIARDINO ARCARI: FOTO E VIDEO

Sabato 20 agosto il Giardino Arcari di Tirano è stato animato da musica e letture dialettali.

Nel fascino d’un giardino antico, creatura rinata grazie alle cure di Lorenzo Baruffaldi, tra un folto pubblico attento e plaudente, nella gradevole brezza serale, è successo un fatto particolare e forse irripetibile. Il suono melodioso di vecchi e nuovi motivi della fisarmonica del Maestro Doriano Ferri e di Lorenzo Baruffaldi , s’ è unito al ritmato incanto della chitarra e del canto del “ menestrello tiranese” Marco Divitini.
Le parole dialettali del maestro Marco Ambrosini, della brillante fantasiosa e irripetibile signora Bruna Padrazzini e della bella e brava Veronica Bombardieri hanno dato voce ai bravi poeti tiranesi Dante Tozzi, Aldo Pola e Ezio Maifrè e altri personaggi.

Fin qui tutto grazioso e quasi normale per un così bel giardino. Ma allora dove sta il fatto eccezionale? La Confraternita ha teso il solito piacevole agguato al palato!
Alle melodie dei suoni delle fisarmoniche, della chitarra, ai racconti in dialetto, si è poi innalzato alla fine della rappresentazione e da dietro una siepe, un profumo di chisciöl.
Ferruccio Molinari, con le brave chisciöliere, erano nascosti dietro la siepe con le padelle e gli ingredienti. L’animo degli spettatori, per tutto il tempo della rappresentazione era stato rapito dai suoni e dalle parole dialettali e d’un botto, il giardino è stato invaso dal profumo di chisciol e tutti sono stati assaliti dal desiderio dell’assaggio. Un altro fatto gradevole è stato il sorriso quasi spinto alle lacrime degli spettatori, e in particolare dell’ Assessore al Turismo Stefania Stoppani e consorte, ai racconti dialettali di Bruna Padrazzini e di Marco Ambrosini per certi “suoni e odori” che nell’articolo presente , purtroppo non si possono fare sentire.

Ezio Maifrè

SE NON VISUALIZZI LE FOTO CLICCA QUI

SE NON VISUALIZZI IL VIDEO CLICCA QUI

L’ ÀQUA DÈLA VAL DÈI MORCC

[LEGGI LA STORIA E ASCOLTA L'AUDIO]

…’na matìna ‘l vèciu Pèdru l'è rüàa a ciamàm par rüà sü’ n dèla Val di Morcc.
Rüàa ilò àla Prìma Crus, sentìì cùsa 'l ma cuntàa sü: “Piscinèla ficùs, regòrdat che i noss vècc che i vàva 'n tèla Val dèi Morcc, rüàa chilò sùra a stu piatùn, sùta la Crus, i pundàva 'l gèrlu e i sa 'nginögiàva giù par di sü 'n Pàter Ave Gloria ei uràva 'l Signür de mìga fach ciapà sée de àqua, ma se mài apéna sèe de vìn, po i levàva sü 'n pè, i sa cargàva e i rampàva sénza tirà 'l fiàa fin àla segùnda Crus. Ilò i pundàva amò 'l gèrlu e i sa ‘ndrizzàva sùta la Crus uràndu de mìga fach ciapà sèe de àqua, ma par Grazia de Diu apéna sèe de vìn e pòo i cuntinüva ‘l viàcc !"
E mì, pü curiùs de ‘n scìmes gu dicc: “Pédru, che avv ghéruf che i pudéva mìga bév àqua e i pregàva Diu de tastà apèna vin?” “Tas ganivèl e scùlta 'n bot! Chéi iéra mìga margnàch e i séra 'l perìcul che i curéva. Tàa ghèe de savè, che chèl Prèvat dèla Val dèla Gànda, quèl stròlech che là cundanàa l’àva Celestìnai sü l’isula de Tèràda , l’éra ‘ndacc a sgurgugnà e a besulà ‘n tèla Val pròpi lì süra 'l Castelàsc. Chèl Prèvat, Dìu i l’éra cundanàa a l'infèran e giù gliò l’é 'n post che s’brüsa, tücc i ga sée de àqua per culmà l’arsüra e lüü l'éra trüàa 'n cìma àla val cun la sòo bachèta ‘na surgènt de àqua frègia e bùna par la sùa sée. Parò i noss avv, quànda i rüava ilò par bév e i sa tacàva àla canàl de rüsca tiràndu de brüt parchè l'éra bùna, i bevéva chèl’àqua frègia e i restàva ilò cùma pügnalàa giù par al stùmach e iscì prìma de murì i vedèva 'l Prèvat cantà e di sü mèsa e àla fin prìma de tirà i argàli, i la vedéva àa grignà de fa li pìchi.
Tüta la gént che capitàva ‘n di paràcc, i trüava tacàa àla canàl chìi por diàui che iéra beüü l'àqua, cun i öcc sbarlatàa fo e i déncc spacàa de mèz per 'l gélt.
Adès te capìì piscinèla rügasciòti parchè chèla Val i la ciàma la Val dèi Morcc.
Ma nòtri dùu de pericùi ma 'n cur mìga parchè apéna 'n rüa sü ilò, tiraròo fo 'l mè butìcc de vin e 'n bàrba al Prèvat déla Val, a buf a buf ma 'l tirarà igliò sèch e 'n canterà cun al fiàa chè 'l spüzza de vin e 'l Prevadàsc tüt rabbiùs ‘l sa maierà 'l so capelàsc négru.

Méngu

SE NON VISUALIZZI L'AUDIOCASSETTA CLICCA QUI

NONNO, NIPOTE E SOMARO

[ASCOLTA IL FILE AUDIO] Chiedo venia, ma ancora una volta non ho potuto resistere al fascino delle storielle del mio anziano professore ing. Sidoli Fausto, classe 1917, mente lucidissima... (Di Ezio Maifrè)

La sua parlata dialettale, intercalata con l’italiano, è una soave musica per le mie orecchie, armonia di pensiero per la mia mente abituata da sempre a pensare in dialetto e a tradurre simultaneamente in uno scarno italiano ciò che penso. Ma il bello non sta qui! Nei racconti del caro professore c’è sempre del sentimento, dell’insegnamento e anche della critica e quando ci vuole, ci vuole.

Possiamo considerarlo come un grande nonno che racconta le sue esperienze ai nipotini e , tra le pieghe dei suoi racconti, c’è anche l’insegnamento per i grandi.

Ho copiato dai Poschiavini. L’anno scorso una loro stupenda iniziativa chiamata “ Rughe della Memoria “ che ha avuto un incredibile successo, ha fatto per così dire “ parlare” i nonni ultraottantenni delle loro esperienze di vita. Loro hanno raccontato e dei giovani, amanti dei loro borghi, hanno preso nota e tratto un bellissimo libro e anche dei filmati. E hanno fatto un lavoro meraviglioso poiché gli anziani sono la memoria storica del paese e purtroppo, quando uno di loro manca, si spegne e se ne va una “ intera biblioteca” “ . Facciamo anche noi parlare le nostre persone anziane, raccogliamo ciò che di buono ci trasmettono per farne tesoro. Spero di non aver tediato troppo; concludo offrendo a chi ha la pazienza di ascoltare, una storiella interessante e da meditare. Non escludo che il caro professor Sidoli ci racconti altro.

Ezio Maifrè

SE NON VISUALIZZI L'AUDIO-CASSETTA CLICCA QUI

Nonno, nipote e somaro.

Nonno e nipote. Nonno nipote e somaro.

Eh .. c’è una casetta in campagna che è in giro.. come tra le nostre montagne che ha bisogno di fare le provviste nel giorno di mercato, quindi nonno dice al nipote” ciàpa sü l’àsen che ‘n và al mercàa” . Difatti si mettono per strada in una giornata di luglio, piena di sole. Le strada evidentemente non è una strada asfaltata, ma strada come nella nostre montagne, una strada polverosa ecc... ecc...

Partono al mattino abbastanza presto, ma in luglio il sole “ ‘l vée sü prest, .. ’l rüa sü e .. i và.

Incominciano a sudare . “tücc dùu i südàva “ e arrivano giù in una svolta della strada. C’è un gruppo di case.

Tre o quattro casette con la gente lì seduta fuori sulle panche “ l’è sentàda giù sü li bànchi, i è sentàa sü i sciüch e i cuménta . Ma vèta ‘n pò’ chèi stüpit ilò che i và iscì al colt e i g’à derée ‘l sumàr e tücc dùu i và a pè e i süda, ma alménu ün ‘l pudeva pur ‘ndà sü al sumàr per viagià pü se còmud. No, iè pròpi ‘ndrée de cutüra .

Il nonno e il nipote sentono questa storia. Appena girata la svolta il nonno ‘l dìss; maranèl sàlta sü, .. ‘l maranèl u ganivèl a segunda .. ‘l sòlta sü la schéna de l’àsen e i và.

‘N òtra svòlta , altri cà, ànca lì ‘l gh’è gént sentàda giù che i la cünta giù sü li banchèli de lègn, sü quèli de sàs …ma che vergògna , ma che vergògna , chèl scèt ilò dé dès u dè dudès àgn che ‘l po’ bée caminà al fa caminà ‘l vècc. L’è’na véra vergògna. Stà giuventü atuàl che la fa caminà i vècc. ‘L vècc sudàa e il maranèl l’è ilò sentàa giù sul sumàr che ‘l viagia. Sentàa giu , Che vergògna ! Che vergògna!

‘N òtra cürva, ‘l nònu ‘l dis; vàrda .. sàlta giù che ‘ndòo sü mì !!

‘N òtra curva , òtri cà, altra gènt che la cuménta. Ma vèta chèl vècc , ‘l g’à mìga vergògna lüü ilò sentàa giù che ‘l fa pò mìga fadiga e ‘n scetìn che ‘l crèss , che ‘l g’à de diventà grant, de fa fòrsa ecc.. , l’è sudàa ‘l g’à de menà l’asèn. L’è ‘na vèra vergògna , ‘l pudeva andà giù lüü a pè e mìga stà sü l’asen e mìga fa caminà ‘n scetìn a pè.

‘N òtra svòlta e ‘l nònu ‘l dìss; sòlta sü ànca tì !!.

‘N òtra svolta ,ultima prìma de rüà al mercàa, altri grüp de cà . Ma che vergògna , por sumàr , ma vèta cun stù càlt , chèi du ilò iè frèsc ,sentàa, i g’à negùt de fa, i laura mìga , iè sciur, i g’à scià i g’à là, i g’à rée la sporta e il por sumar ‘l ghé de purtà tücc dùu ‘n de ‘na òlta sula. Che vergògna, ‘n stù mund s ‘pö pü viv.

Il nònu ‘l dìs : bè vàrda ‘n fa iscì .’N sòlta giù , ‘n ciàpa ‘l sumàr ‘n spàla e ‘n va avanti e ‘n va al mercàa.

Arrivano al mercato con il somaro in spalla, fanno le provviste , caricano il somaro e tornano indietro. Hanno fatto le provviste per la famiglia per poter andare avanti.

La mia chiusura è questa:

Nessun riferimento alla politica, cioè ogni riferimento alla politica attuale è semplicemente voluto o casuale ? Punto interrogativo.

Fausto Sidoli

LA LEGÉNDA DEL CRAP DÈL CÒREN

Ilò a Piscìna apéna sùta la végia casérma del Fort déi Canài, par chi i la sa mìga, gh’è dùu crap facc a còren che i vàrda giù a piùmp la val dèla Gànda...

Chèi crap iè cùma dùu angégher che i spìa fo de gnèch par chèl che l’è sucedüü
tancc agn fa; l’è cùma ‘na legénda che adès va cünti sü.
De anòrum, pròpi ilò andùa ‘l sa ‘ncùntra l’Ada cun ‘l Pusc’ciavìn gh’éra ‘n laghèt cun an mèz ‘na isula pìscena piscéna facia anùma de bucc rudùnt de Ada, che i noss vècc i ciamàva Teràda.
Sùta la muntagna, ilò ‘ndùa adès ‘l gh’è sèlvi de àrbui ‘n funt àla val, ghéra ‘n bèl paesìn ciamàa Vulpéra.
L’éra ‘n paés furtunàa parchè de igliò s’pudéva ciapà la barca e andà sü par la Val, alùra l’éra amò tüt piàt e la rüina de Sèran l’éra gnamò sburelàda giù a struzà l’Ada che la sa spantegàva cùma la vuléva lée par la piàna del noss bèl Tiràn de adès.
A Vulpéra ‘l gh’éra ‘na pòra végia dabéna ma puarìna, che la gh’éra giüstu ‘na càura schìscia püsée déla so padrùna.
Prìma ‘l maiàva l’érba la càura e dòpu la vègia la ga tiràva fo ‘l lacc par bèv lée e iscì i scampàva tücc dùu.
Chèi de Vulpéra i ciamàva ‘sta vègia, Ramabàguli parchè apéna la so càura la picàva fò ‘na bàgula, lée la curéva a ramàla sü e i la metéva giù ‘n tèl scos par purtàla a ca e chèli bàguli iè po stàci la so cundàna; vulìi savè ‘l parchè?
Ghìi de savè che a chèi tèmp, i rüava sü par la Val ‘n bot ùgni tant, chèi Munsignùr tücc vestìi de rus e cun sü ‘l capèl gros cùma sa ‘l füss ‘na sedèla anversàda ‘n cràpa par fach iscì li vìsiti ài por laùu cuntadìn.
Chèi dì de vìsita ièra dì brücc par i ciùn, li galìni e i cunìc parchè chèi Reveréndi ancapelàa i rusegàva giù de brüt àa i usegàtui, e i Munsignùr i vignìva iscì pesànt che i fàva fadìga a tiràs rée.
L’è sücess che ‘n bèl dì de vìsita, ‘l bun prévat de Vulpéra, l’éra preparàa ‘n grant festegiamént e par fürtùna ‘l sèra salvàa déli padéli , la càura dèla pòra Ramabàguli.
Vèrs mesdì, quàtru marcantòni i sa inviàa ilò al port cun la purtantìna par specià ‘l Munsignùr che ‘l rüava ‘n bàrca de giù de igliò, ma quàndu ia vediüü ‘l Munsignùr iscì pesànt a sultà giù, ‘l Pédru che l’éra ‘n balòs, la pensàa sùbit de dumandàch se ‘l pudéva fa dùu viàcc, prìma purtà ‘l so corp e po la so ànima, ma ‘l Reveréndu
‘l ga gnàa respundüü.
Che càrga matèi!
Tüti li stràdi de Vulpéra iéra quarciàdi de pétali de rösi ‘n unùr del Munsignùr e chèi déla purtantìna iéra li süta gavèi che i vedéva gnàa la stràda parchè iéra sùta sfors;
‘l Pédru ‘l gh’éra fina scapàa fo ‘na scurègia par ‘l sfors quànda la ciapàa giù ‘na zòca e ‘l séra sbilanciàa.
‘L prévatt de Vulpéra l’éra fàcc sunà campàni, brùnzi de vàca e sunài de càura ‘n so unur e l’éra ilò fo dèl purtùn déla gésa che i la speciàva.
La végia Ramabàguli la savèva che ‘l Munsignùr ‘l sarès pasàa de ilò e iscì ànca lée par fach unùr l’éra destendüü par chèl toch de stràda ‘n tapée de bàguli séchi de càura che i parèva azalìni.
Quànda iè pasàa de igliò i quàtru marcantòni cun ‘l Munsignùr, ‘l Pedru l’è slitàa sùra li bàguli e iscì la purtantìna la sa ‘n pìt ‘nversàda e al Reveréndu ‘l ga crudàa giù ‘n mèz a ‘sti bàguli ‘l capèl a sedèla cun sü la crùs.
Sacrilégiu!
Sacrilégiu, la usà.
Pòra vegiàta, de valùr la ghéra apéna i bàguli e lée ‘n unùr dèl visitadùu , la tracc fo ‘n stràda tüti chèli che l’éra ramàa ‘n tancc agn de fadìghi.
Nigùt de fa!
‘L Munsignùr, ‘l prevàt de Vulpéra e tüta l’òtra gént i la cundanàda a murì de fàm lée e la so càura sùra l’isula de Teràda ‘n méz ‘l laghèt de Teràda.
Iscì dòpu quindés dì la végia l’è mòrta de fàm e la càura la besulàva dì e e nòcc visìn àla morta, ma negügn i la scultàva, negügn i gh’éra cumpasiùn e negügn i vuléva suterà la pòra Ramabaguli.
’Na nòcc che ‘l trunàva e ‘l sberlusciàva la gent de Vulpéra ià vist chèla càura cùn i öcc rus de föch sultà l’Ada e ‘nviàs sü par la muntàgna ilò sùta i munt de Piscìna.
Ma ècu che dòpu ‘n pìt chèl tòch de muntàgna l’è franàda giù de culp e la suteràa tüt al paes de Vulpéra e la quarciàa àa l’isula de Teràda andùa ‘l gh’éra la végia Ramabaguli destendüda sùra i sas rudùnt.
Chèla càura l’è restàda igliò a vardà giù la rüina e ‘ntant la besulàva cunténta, parò dopu ‘n pìt l’è morta ànca lée par i strapàz.
Se vòtri fìi dùu pas e rüìi sü igliò, vederìì adés anùma i so còren che iè vegnüü de sas e grancc cùma ‘na ca.
Chésta l’è la stòria di dùu Crap di Còren.
Viòtri che ghìi fidàch e ché ghìi nigùt sü la cuscénza , pruìì a girà giù de igliò par la Val déla Ganda quàndu ‘l sberlùscia e ‘l trùna e sentirìì amò besulà la càura e a sciupetà ‘n tèi sas i bròchi déi scarpùn del Prevet dèla Val dèla Ganda.

Méngu

‘L CURIERÌN DESMENTEGÀA

Un tempo c'era il corierino adesso arrivarà il trenino... (Di Ezio Maifrè)

Chi ‘l sàa desmentegàa ‘l curierìn dél Pérego ché ‘l partiva da piàza Cavùr e dòpu avè giràa par i viài dé Tiràn ‘l rüava al cunfìn dé Piatamàla?
I giuan ià mìga gudüü l’emuziùn dé girà ‘na òlta par i viài dél paés cùn ‘l curierìn!
Autista e biglietàri i éra ‘n divisa, l’éra gént dé fèr cùma ‘l pulmìn , sémpru chèi , puntuài cùma urulòcc svizzàr.
Apéna tée sultavét sù , i tàa salüdàva par nùm, i tàa stacàva ‘l biglièt, i tàa vardàva da cìma a fùnt e se tàa ghéret la bàla dé l’ öcc stràca , i tàa dumandàva cùma tàa stàvet.
Tüt ‘stà gentilèza l’era comprésa n’ tèl biglièt.
L’autista l’èra cùma ‘l padrùn dé cà,’l tàa vardàva rée andùa ta sa sentàvet giù, miga par ès curiùs , ma pàr savè andùa scargàt.
Ruà sùl pòst, i tàa abrìva la porta e i ‘l tàa diséva: Sòciu sòlta giù!
‘l curierìn l’era còmut, ‘na benediziùn par i fémni che i duéva ‘ndà a fà spesa ‘n Svìzera e par i um che i rüàva fòo dé Runcàola cùl ‘l sàch.
Nèi àgn bùn, la gént ia crumpàa la màchina e ‘l curierìn lè stàcc desmentegàa.
Adès tücc i völ ‘ndà a béf ‘l cafè cùn ‘l mézu; sicùma i pòrti dei Bar iè strèci ( cùn ‘l mézu sa pàsa mìga ) l’ ucùr truà ‘n parchécc e ‘l parchécc l’è pü luntàn dél tòc dé strada chè l’ ghè da cà al cafè.
Sa tàa fèe bée i cùnt , ‘l tàa cunvée ndà a piòti. Pòo, sa tàa vàrdat li vòlti ché tàa dé cùr ‘l parchécc a cuntrulà l’uràri dél dìscu (cùn la pichéta adòs dé avè ciapàa la mùlta) alùra tàa capisét ché la to machina l’è ‘n argàgn dé purtàt rée.
Stès discùrs par li sciüri che i va a fà la spésa; i sa mai l’ témp ché i gà dé specià ‘n tèli butéghi.
Tè li vedét ruà fò dé cùrsa , cargàdi dé bùrsi cùma müi; par traversà li stradi e ruà ‘l parchécc i gà dé balà ‘l tàngu ‘n mèz àli machini.
I diretùr d’urchéstra iè chèi chè guida cùn öcc dé ièna; vargùn i tàa làsa pasà gnànca sù li strìsci pedunài.
Chèì pòo ché i laùra al céntru, iè metropoliti sénsa metropulitàna.
Alùra?
Alùra ‘l vèe ‘n mént ‘l Curierin dèl Perego.
La gént la sòlta sù sénsa pericùl , la fà i sò mestèe, pòo i la ciàpa par rùa a cà.
Dìm a tràa ‘n bòt; ‘n furestée ‘l rùa àla staziùn, sa ‘l völ ‘nda’ a Bùrmi u a Sùndri ‘l trùa ‘l pulmàn , ma sa ‘l völ curiusà par ‘l paés pü ché a piòti ‘l pòo mìga ‘ndà.
Dé solìt, lur, i sàa trùa àla staziùn dél Bernina ‘n cumitiva, quàndu ià fàcc a piòti ‘l gìr Tiran vècc -Madòna, iè sciòp.
Ma sé i sòlta su ‘n dèn pulmin par visità Tiràn i truerà ànca ‘l temp par consumà e cumprà vargùt.
Ai cumerciànt dél Céntru Stòric i cuminciaraà a ruàc pü cliént, gént còmuda e pü pusadìscia, cùn pü témp e munèda dé spént.
Chi ‘l pàga ‘l cùst dèl pulmìn?’L vantàcc ecunomìc, la cumudità dél servizi ché u dìc sùra, ‘l farà sultàa fòo ‘l cùst. ‘L grànd vantàcc l’è ché ‘l türista e òtra gént purtàda in gìr par ì’ paés l’è pü manuvrabìl......
‘N tél mézu publìc ‘l pòo eséch ‘ na béla cartìna dé Tiran, ‘n autista dé chèi simpatìc e nà bèla ràisa ‘n custum tradiziunàl ché la cùnta sù li nòsi belèzi.
L’idea l’è mìga mia, l’è dél mè nònu Méngu, mort ‘ n tél 1923, già “ agente polivalente di turismo” La so prufesiùn l’ éra: fachìn àli dùi staziùn cùn la padrunanza dé trèi lìngui ( ultrù ‘l dialèt), condutùr dé caròza , cunpagnadùu par Tiràn déi türisti ruàa àla staziun cùn ‘l trénu déla FAV e dél Bernìna, sunadùu dé fisarmonéga e alègru intratenidùu dè furestée ‘ n tèli usterìi par fàa gustà ‘l nòs vìn . E…. se ‘nvece del curerin ‘l g’è füss adès ‘n trenìn sü rödi de gùma ? Amò mèi !!, Per i raisìn ‘l sarés ‘na véra gudüria.
‘l Méngu l’ghèra vegni sù, che pàr guadagnà vargùt bisùgna ingignàs e fà funsiunà ‘l cervèl in tèla direziùn giusta.

Ezio Maifrè

ULTÀR DÈLA CUNCÒRDIA

‘N sa ‘n dèi àgn ‘ntùran ‘l 1716. Chésta l’è ‘na stòria che la meriterés de ès cüntàda sü cun ‘na telenuvéla dei nòs témp. Stìi a scultà bée!

Mi piace citare parte di un intervento del Presidente Napolitano all’incontro su “La lingua italiana fattore portante dell’identità nazionale”. Palazzo del Quirinale, 21/02/2011

***…..Non idoleggiamo il retaggio del passato e non idealizziamo il presente. I motivi di orgoglio e fiducia che traiamo dal celebrare l'enorme trasformazione e avanzamento della società italiana per effetto dell'Unità e lungo la strada aperta dall'Unità, debbono animare l'impegno a superare quel che è rimasto incompiuto (siamo - ha detto Giuliano Amato - Nazione antica e al tempo stesso incompiuta) e ad affrontare nuove sfide e prove per la nostra lingua e per la nostra unità. E infatti anche di ciò si è parlato nel nostro incontro guardando sia alle ricadute del fenomeno Internet sulla padronanza dell'italiano tra le nuove generazioni sia alle spinte recenti per qualche formale riconoscimento dei dialetti. Eppure, a quest'ultimo proposito, l'Italia non può essere presentata come un paese linguisticamente omologato nel senso di una negazione di diversità e di intrecci mostratisi vitali ; e nessuno può peraltro pretendere di oscurarne l'unità di lingua faticosamente raggiunta…..***.

Personalmente credo che i vari idiomi italiani siano linfa di democrazia della lingua. La lingua locale si può considerare la base, la struttura su cui riceve e si amplia la lingua nazionale. Gli italiani dunque difendono ancora le loro radici linguistiche, perché con il dialetto si offre una possibilità aggiuntiva come repertorio individuale visto non più come simbolo di arretratezza culturale, ma come ulteriore risorsa espressiva. Perciò una unica lingua nazionale con riconoscimento della parlata territoriale.

e.m.

De matrimòni ‘ndàcc a duèli al dì de ‘ncöö gh’è nè ‘na ròscia, ma a chèi témp i éra cùma mùschi bianchi, tantupù che i éra i genitùr a ‘mbastì tütt.
La spùsa alùra la duéva sémpru di de sì, àa se la gh’éra de spüsà ‘n brütt làu e magari scià uramài vècc. Alùra i sentiménc déli fémni i cüntava pòch u negùt, ‘l cüntàva nùma ‘l patrimòni che sa gh’éra e li parentéli bùni.

Iscì l’è stàcc àa per la nobilfèmna Costanza Negri de Gròss che per rasùn de famìglia l’éra stàcia destinàda a spusà al nobilùm Gianmaria Rodolfo Parravicini de Tiràn. Ma la bèla Costanza i ‘nà fàcc üna fò de l’àscia per chèi témp. Pensìi, là spusàa ‘n segrétu ‘l Luigi Maria che l’éra ‘n nobilùm dèla famiglia Quadrio –Brunasi de Pùnt. Fùrba la ràisa! ‘L Luigi Maria ‘l gh’éra vint’àgn e l’éra àa bèl. Vèrgini! Vèrgini i diséva tücc! La Custànza Negri già prumèsa al Gianmaria Parravicìni de Tiràn la g’à petàa dùu còren e là spusàa ‘l bèl matèl Luigi Quadrio! Tüta la Valtulìna ‘ na parlava; i üm i grignàva sùta i barbìs e li fèmni al büi i finiva pü de cüntàla.

‘Nsùma i Parravicini i pudéva mìga maià giù ‘l ròspu. L’éra tròp gròsa l’asnàda fàcia e isci i sa tacàa sùta cun i Quadrio, ma cun i Negri de Gròss ià fàcc cìtu, parchè alùra li famigli da part dèla fèmna ii pudéva mìga vanzà tanti pretési, l’éra lüü u la famìglia de lüü che decidéva. Pòrcu , ià dicc ! ‘L’éra stàcc chèl balòs de ‘n Quadrio a fa sü ‘l rebelòt! Però la gént la diséva che la Costanza l’èra fàcc bée a petàghela al Parravicini perchè l’èra scià uramài vècc e àa ‘n pìt brüt.
Fàtu l’è che li rùgni tra i Quadrio e i Parravicini iè ‘ndàci ‘nnanz per ‘n pòo de témp. Vularési cuntàvala sü par fìl e par sègn, ma la vegnerès tròp lunga.

Sa sa che de paciér a ‘stù mund ‘na manca mìga, iscì pròpi ìn piàza Paravizìna a Tiràn, li dùi famìgli i sa ‘ncuntràdi per fa la pas. l Parravicini per l’ufèsa ricevüda ià pretendüü che i Quadrio –Brunasi i arés pagàa tüti li spési del növ ultar magiur ‘n custruziùn ilò ‘n del Santüari de Madòna, iscì tüta la Valtulina l’arés vedüü ‘l sègn del pentimént dei Quadrio e pòo chèla ufésa la sarés ‘ndàcia ‘n opéra de bée.
Gnamò finida, denanz a testimoni, la famiglia Quadrio-Brunate de Pùnt l’è stacia ubligàda a scüsàs e dumandà perdono àla famiglia Parravicini.
Fatu l’è che ‘nturan al 1749 l’ultàr magiur de màrmu dèla Basilica l’èra finì e i Quadrio-Brunasi de Punt ià sbursàa i ghèi. L’è pròpi iscì; ‘l Signùr ‘l làsa tacàa béga la gént però àla fìn, bèn u mal, i pecàa i la fa scuntà e tütt ‘l va ‘n glòria. Amen.

(Libera versione di Ezio Maifrè in dialetto tiranese da “ L’altare maggiore del santuario della Madonna di Tirano- Una singolare origine e una sorprendente ipotesi – di Gianluigi Garbellini
)

IL SACRIFICIO DEGLI EMIGRANTI

Non molto è cambiato dai tempi in cui l’Amico Cici Bonazzi se ne è andato dalla nostra Valle emigrando in Australia per cercar lavoro. Ancora oggi molti “figli buoni” della terra Valtellinese hanno la valigia in mano e per poter mantenere una famiglia emigrano in Paesi lontani... (Di Ezio Maifré)

Tutti noi dobbiamo essere riconoscenti a questi nostri “fratelli“ che fanno conoscere il valore delle gente di Valtellina e portano ricchezza al nostro territorio. Mi piace far raccontare a Cici la sua avventura allo scopo di far capire la fortuna di quelli che hanno lavoro in Valle. Io credo che il loro lavoro dovrebbe essere confrontato con quello degli emigranti all’estero. Forse si capirebbe il proverbio “Ta sa lamentàt de gàmba sana“ o anche “Andà a maià ‘l pan dèi òtri cun sü i sèt crùsti“.

Ezio Maifrè

“Lavoratore generico con titolo di studio”

Tancc e tancc agn fa séri giùan àa mì, piée de fòrsa e “rigoglioso come un arbusto e duro” cùma ‘n sciüch de àrbul, ròba de sfrigulà ‘n crap cun an pèt sa diséva ‘n di agn del cüch.
Regòrdi amò bée che par sbuìm fo i murbìn de giuentü i m’éra mandàa a taià fo i bachècc del zücher ‘n del paés di cangùri. Laurà de négri i dis ma mì e i mée soci ‘n séra biànch, négri an sa po diventàa dòpu de brùdech. Iscì che dòpu la prìma giurnàda de laurà cun scià ‘na pudèta de nuànta ghèi e i quàgi sü ‘n di man, séri turnàa a “ca” téncc, piée de grèpeda e tacadìsc de dulsc cùma la mél, par crudà int desùra de ‘na cagnuléra de lècc a pirlàm dela strachìgia e cun la cràpa piéna de pensée che spuntàva fo de tücc i cantùn tràndum fo tücc i cavèi (l’è par chèl che adès su pelàa)
Cun i öcc sbarlatàa ‘n de ‘n deruchéri de os de fam fügi fo àa i piöcc, vardàvi ‘nsü ‘l plafùn che gh’éra mìga; s’vedéva tucc i cantée del tècc de laméra cun li ragnìni che “si cullavano ad una leggera brezza” che àa lée, par al cold de sti paràcc, la paréva cùma chèl ‘l buf che vée fo di maséli sbruénti de Lücìfer.

Ilò, musc e giù de còrda, cùma ‘n cagnöl rentàa al so mèl, u ‘mparàa a sföià ‘l lìbru dela mìa vìta, u ‘mparàa a mèt vìa e tegnì de cünt tüt chèl pasàa iscì piée de nòsi tradiziùn; ilò ma su metüü rée a scazà int ‘n tela memòria par regurdàm tüt: chìi che séri e de dùa vignìvi, al dialèt che parlàvi, vulévi mìga pèrdam cun sta nöa vìta ‘n sti piantagiùn de càna de zücher, vulévi mìga vèss anviàa giù cùma spüda e sparì ‘n del nigùt cùma l’éra già sücès a tancc òtri emigràa prìma de mì. La fòrsa de sta a gàla la po facc al rèst.
Antànt che ma badentàvi a vardà ‘n pàier de ratàsc lunch cùma cunìcc a cùras rée e a fa cümartèi sü par i lègn cun scià ‘n sciàt grant cùma un chisciölìn int par la bùca, fra tànti ròbi a sgirulàm an cràpa, al m’à vignüü ‘n mént àa chèl dì, parchè tüt l’è scuminciàa alùra, che séri ‘ndacc a fa la visìta par vèss àbil de fa l’emigrànt.
Nigùt de stremìs par i racc e i sciàt che gh’è chilò.

I de savè che ‘n sti post trupicài, al gìra bàu e baulìn a migliùn de tüti li misüri, chìi che sgùla e chìi che camìna a stüz; iscì i scìmi de capuriùn che sa tüt, ‘nténdi chìi che i è bun de lésc àa la càrta del zücher, i l’à pensàda sü pulìtu de ‘mpurtà ‘nscià del’Argentìna i sciàt (di lingua spagnola) par fach fa di gran maiàdi cun sti bàu; ucùr gnàa dil che sti ruspùn, cun tüta sta maiadùra, i sa multiplicàa e i sa spantegàa, gras cùma ciunìn a smàgia d’öli ‘n pit departüt. “Niente paura” i à dicc chìi dela crìca, “nòtri an ména int i racc che màia i sciàt!” E alùra int sti racc a gèrli e cavàgni piéni ràsi ma ‘l bèl, se vulìi grignà, l’è che i serpéncc màia i racc che adès, cun tüta sta bùnda e gràzia de Dìu, tài trùat àa sùta ‘l lècc u int par al böcc del còmut a fat sü ‘l gàsciul an chèl post.

Chèla òlta, cùma emigràncc, i vuléva dùma gént bùna, fòrta e carpìgna, sàna de corp, cun sudèza de cràpa e la fedìna nèta neténta, alménu bun de scriv e fa giù de cünt sénsa duprà l’àbach.
Dòpu avè presentàa la mìa bràva dumandìna de emigràa al cunsulàa üstragliàn, i m’à ciamàa par fam la vìsita de abilitaziùn. Cun al mè toch de càrta anrudulàa ‘n teli man, parchè séri ün che la stüdiàa e mìga ‘l sòlit giòcali andrée cùma ‘n car de fée, ma su metüü ‘n cùa cu ‘na ròscia de òtri matèi, tücc forcc, bèi pecenàa e bén vestìi cun la sùa bràva vestiménta dela fèsta che spüzàva de bàguli de naftalìna. I g’à facc andà int an de ‘n stansùn piée de dutùr, tücc cun scià chèl làu cui i uregiàncc négri facc a tübu antùran al col; i g’à facc tra fo biùcc cùma vèrum e i à scuminciàa a palpàch desùt e desùra par vedè se ‘n gh’éra difècc; i g’à spiàa giù par la gùla, int par li urègi, i g’à schisciàa giù la léngua cu ‘na palèta e dicc de dì haaaa, facc tra sü ‘n culp de tus, cun an mazòcul i g’à la picàa süi ginöcc e sénsa tancc cumpliméncc i ga àa spiàa int par li miséri del’um. “Vostra siggnorria è abbile” ‘l m’à dicc al sòlit tagliàn desùt, “passi per l’intervistazione con la siggnorrina interprete d’inglese”. “Iscì biùt?” U dumandàa; “si sbrigghi e non faccia lo spirrittoso”. Amò con la camìsa fo di bràghi e i sciavàti ‘n man, cun anfilàa int i còlsi di scalfìn biànch de làna de pégura e ‘l mè toch de càrta, ma su sentàa giù sül’òrlu de ‘na scàgna prunt par èss antervistàa. Ilò amò dumàndi e suradumàndi, malatìi ereditàri de faméia, de àmadi, de ava, bisàv, trisàv, uperaziùn, se ta séret crudàa giù del scagnùn de pìscen cun al piàt dela papìna e picàa giù la züca, se ta duperàvat al baüscìn, se ta gh’érat fradèi de lacc con càmuli u caröi, fradèi storcc, driz e giù con sti menàdi. Ala fin i sòlta fo a dumandàm parchè vulévi ‘ndà ‘n Üstraglia e mìga ‘n América? “U bèla! Parchè àa ‘l mè avv Prutàs l’éra stacc giugliò a taià fo busch e mì vulévi andàch rée ali tradiziùn de famìglia”.

Giù ‘nfùnt al mòdul, scrìcc sü ‘n piscinìn de quàsi gnàa vedèl, gh’éra sü: “titoli di studio posseduti dall’applicante”; i stàva par dach an pasalà, ma mì gu l’ù casciàa sùta ‘l nas parchè i lu vedés. Stu müs de crapadùn de üstragliàn al ma vàrda e ‘l sciguèta vargùt al’intèrprete, che cun bèla manéra la ma dumànda: “allora?”, u ‘nvià giù la spüda e tüt urgugliùs g’ù facc vedè la mìa càrta che uramài l’éra scià ‘n pòo stramüscia. “Ah!, oh! Ma lei è .......”, “e sì! Mi sòo... , magàri par al böcc dela ciàf, ma sòo!”. Cìtu de tùmba de sentì i mùschi a sgulà; i sa metüü rée a scisciulàs int par li urègi e po i dis: “Lei viene accettato, per andare in Australia a tagliare la canna da zucchero con gli altri”; cun i öcc sbarlatàa fo de fach pasà int an priàl, u firmàa ‘n cuntràt che par dùu agn pudévi mìga turnà ‘ndrée e tüt an de ‘nbòt, cun al mè bèl tuchèl de càrta, ma sòo truàa angagiàa cun la qualìfica de taiadùu de càna e “lavoratore generico con titolo di studio”.
Andàndu a ca ‘n pit surapensée, ma sentìvi svöidàa fo de tüt: “ma su mat? Cusòipo facc? Cùsa diràlpo ‘l mè vèciu? Andà a maià ‘l pan di òtri cun sü i sèt crùsti?” Urmài ma séri metüü ‘n bal e ‘l ma tucàva balà. Su partìi cun tancc ciàu tracc int par al finestrìn del trénu di amìs e li sòliti racumandaziùn di vècc, e... bunanòcc al’òrghen; cùma ‘l trenìn dela FAV l’è rüàa giù al punt de fèr del Pus’ciavìn e svultàa ‘l cantùn, de mì al sa regurdàva già pü nigügn: ‘nòtru por crist l’è ‘ndacc e che Dìu ga dàghi...

A Tiràn l’è restàa la mìa umbria ilò sùta chèl munümént che a ‘nterugàl al ta pö cüntà sü nigùt, müt cùma ‘n scazùn!

Cici Bonazzi

PERSONAGGI TIRANESI: ‘L VÈCIU TUNÀIA

Per la rubrica "Personaggi Tiranesi", un omaggio al Tunàia. (di Ezio Maifrè)

I personaggi “caratteristici” in un paese non passano inosservati. Sovente il loro ricordo è motivo di nostalgia . E’ una nostalgia legata a un modo di vivere che lentamente è scomparso, ma che ha lasciato profonde radici in noi. Il modo di vivere di certi personaggi, giusto o sbagliato che fosse, era il frutto di un tessuto sociale permeato di valori che forse al giorno d’oggi non esistono più o forse ancora esistono ma sono offuscati dal benessere e dall’egoismo. Noi, ormai anziani, ricordiamo il “ vèciu Tunàia “ con il nostro mondo giovanile quando eravamo felici d’aver in tasca 10 lire. Con quelle lire compravamo un cono di gelato dal Toldo ed eravamo felici per tutta la giornata, mentre il “ vèciu Tunàia “ lavorava tutto il giorno a spaccar legna e in cambio del suo lavoro chiedeva solo un piatto di minestra ammiccando un sorriso con i suoi occhi azzurri da bambino.

Disegno di Wilma Del Silmone

‘L vècc Tunàia

Se a Tiràn ‘n um pòer ‘n càna l’è nasüü

ma che Sciù tücc i Tiranés ciamàl ‘l cunvée

l’éra ‘l vècc Tunàia che al Signùr g’à piasüü

de fa de lüü ‘n um fort e iscì tant dabée.

‘L grant vècc cun dignità l’à mai ‘mpitucà

mùma laurà ‘l dumandàva ‘n dèli pòri cà,

mùma ‘n tòch de pan ‘n càmbiu del so laurà,

‘n càmbiu dèla so fadìga e dèla so buntà.

Di söö scarpùn ciudàa ‘l rüava fo scarìzi

tiràndu pian pian sül risc ‘l por caretìn.

La gént, vedéndu de nòcc lüsì li scarizi

la diséva: l’è scià ‘l Tunàia del cör de raisìn.

Trabalànt al sa’nviàva sü per ‘l Castelàsc

l’andàva de parlüü ‘n del sò por ricòer

mai ‘l sa lamentàva e cun ‘l sò fa bunàsc

‘l g’à lüsiva i öcc cùma chèl de ‘n poer.

‘L parlàva mìga ‘ntradelüü ma cun al Signùr

quàndu ‘l tràva li söi paròli al vént,

lüü ‘l ludàva ‘l Creatur cun fòrsa e cun amùr

per la sua pòra vìta piena de sentimént.

Tunàia car, àa se al Mund ta sèe stàcc mal

perché poarèt ta séret cùma Crìstu ‘n crus,

ti cun ‘l cör ta dàvat ‘na castàgna par regàl

a chèl che ‘l grignàva e scultàva la tua us.

Nòtri ‘n ta regòrda cùma ‘n um che val,

la tua dùlscia e rasegnàda gran paziensa

la g’à ‘nsegnàa che se al Mund gh’è mal

‘l sarà vingiüü dàla buntà e dàla suferénsa.

ezio maifrè

LETTURE DIALETTALI: "Macc, 'l més de devuziùn àla nòsa Madòna"

Al més de macc l’è ‘l més déli quàzzi e dei bòci che i cumìncia a girà cun chèl fa che ‘l pòrta la vöia de viv, ma l’è ànca al més de devuziùn àla Madòna.

Par li cuntràdi vègi s’pö vedè amò li santèli che li èra ‘n pòo 'l témpiu de ca dei noss vècc che gh’è pü.
La sìra, i nòs avv, quàndu i rüàva a ca di camp, dòpu avèch dacc de maià àli gàlini e ài cunìc, i menàva fo la vàca a bév al büi e dòpu zéna, i ciàmava i söi fèmni e i mugnulàva: “l’è ùra de 'ndà fo àla santèla”, iscì sti fèmni li mulàva i piàt ‘n tèl lavandìn par ramàs scià tüti ilò antùran àla Santèla.

I um, ‘n pìt luntàn tücc ‘n de ‘n cantùn, cun chèl fa de surniùn, i sa tràva giù 'n tèl basèl tacàa al büi de S. Maria tücc ansèm. La fèmna pü bigòta, dòpu avè pizzàa ‘l lümìn süla balaüstra, la menàva la còrda dèla campanèla cun 'n fa de fa grignà tücc i um. I bòci, che i sèra spantegàa par giügà a piacaröla, i sa ‘nrusciàva scià tücc cùma i quàzzi che i ciapàva par picàli int 'n tèl capelòt del lampiùn.

“Cìtu! Tasìi giù! 'N tàca al rusàri”, la disèva la pü pìa e, dòpu avè menàa la campàna, la sruchetàva giù litanìi cùma ‘na s’ciupetàda cun li òtri a respùndach de rebatùn. I bòci balòs, i tacàva a respùnt nùma quàndu sa disèva: “Ora pro nobis.”

I vècc, sentàa giu’ 'n tel basèl, anvéci i mugnulàva sü vargùt, 'n pìt i parlutàva de laurà e 'n pìt i taséva giù, parò sa capìva che i ga metèva tant rispèt per la Madòna.
Finìi ‘l rusàri, i um i sa metèva sü ‘l capèl, i tràva ‘n öcc àla Santèla e vergügn i vàva ca cun i söi fèmni ma di òtri i vàva ‘n ustarìa a bagnàs al bèch sémpri sciücc.
I ràis e li ràisi, i sa spantegàva par li cuntràdi cùma i füs ‘na brànca de musìn lasàa andà, par giügà amò a piacaröla.

'L gh’èra ràis che i parèva légur par ciapà li ràisi che li curèva amò püsée svèlti par mìga èss 'ncantunàdi. Mìga apèna 'na òlta ma duüü ciamà a stagn 'l Luciànu che cun la Piéra i rüàva pü 'n tèl cantùn par cumincià ‘l giöch, e se i rüàva, i rüàva tücc du much cùma se i avés vulüü piacà sü vargùta.
Parò alùra tücc i sentìva de avèch al cör cuntènt. Ta sa rendévat cünt che ta ghéret regalàa an pòo dèl to tèmp àla Madòna e 'n pìt ai töö sòci dèla bìra.

Adès li Santèli iè amò igliò e de lumìn ampizàa ta ‘n védet poch. Ta rüet ilò denàns e ta védet spià fo’ la Madòna u ‘l Sant al scür e ta sbàset i öcc dàla vergùgna, iscì mì fòo quànda pàsi ilò àla Santèla de S. Giüsèf ànca adès de nocc.
Parchè i ghè i Santèli?
I noss vècc, quàndu i rüàva a ca àla sìra strach cùma àsen dèi camp u dèi busch, i ringraziàva la sùa Madòna u ‘l so Sant de avèch amò la salüt e de alménu rüàch a maià.
Adès ‘n tèli cuntràdi, se ta scùltat bée, ta séntat pü sbatagià la campanèla, se mài ta séntat fo di finéstri la sìgla del Telegiurnàl.
‘N tèla gèsa grànda, andùa adès i dis al rusàri, al gh’è apèna femni vègi che iè quàsi tüti avi. I um s’pö cüntài sùi dii de na màa.

I fiöi che ‘na òlta i disèva “Ora pro nobis”, adès iè diventàa pa, e iè tücc slungàa giù inànz al televisùr cun i söö bòci ‘n gìr ‘n màchina a fa la piacaröla pièna de burdeléri.
Che pecàa che adés i Santèli iè gliò, mùci e scüri ‘n stu mes de macc.

Ezio Maifrè